Euskara ikasi

Norbanakoen laguntzak ikastaroetarako

2018. urtetik aurrera, Nafarroako nornahik eska ditzake dirulaguntzak euskara ikasteko Nafarroa osoko euskaltegietan; bai Nafarroako Gobernuaren deialdien bidez, bai udal entitateen deialdien bidez. 
 
  • Nafarroako Gobernuaren dirulaguntzak

Nafarroako edozein hiritar helduk dirulaguntza eska dezake euskara ikasteko, baldin eta Nafarroako euskaltegietako batean matrikula egiten badu. 

Dirulaguntza deialdiak Nafarroako Aldizkari Ofizialean argitaratzen dira, eta bertan ezartzen dira hiritarrek bete beharreko baldintza guztiak eta jakingarriak diren kontu guztiak. 

Den moduan dela ere, dirulaguntza eskaera egin nahi duenak kontuan hartu beharko du ikasi nahi duen euskaltegiak baldintza tekniko egokiak dituela, alegia, izan dadila Nafarroako Gobernuarekin helduen euskalduntzean elkarlanean aritzen den euskaltegia; besteak beste, AEK erakundearen euskaltegiak edo IKArenak. 
 
Informazio gehiago eskuratzeko euskaraikasi webgunea kontsultatu daiteke.
 
  • Nafarroako toki entitateek bideraturiko dirulaguntzak
Udal eta mankomunitate askok dirulaguntzak bideratzen dituzte haien eragin-eremuan bizi diren hiritarrek euskara ikas dezaten. Zein udal eta zein laguntza jaso daitezkeen jakiteko euskaraikasi webgunean begira daiteke.